O Castelo de Soutomaior está nun luar privilexiado pola ampla paisaxe que dende alí temos a uns 119 metros de altura sobre o nivel do mar divisando o val do río Verdugo dende a súa confluencia co río Oitaven ata á desembocadura na enseada de San Simón. A construción orixinal data do século XII, sendo a época máis destacada a de D. Pedro Madruga (século XV).
O castelo foi destruído durante a revolución irmandiña e Pedro Madruga intervén de xeito directo na súa reconstrución.
Unha vez realizada a visita iremos camiñando cara a ponte medieval de Comboa onde embarcaremos nas piraguas para descender polo río Verdugo ata a Pontesampaio onde finalizaremos a actividade. A ponte é famosa pola batalla na que o capitán Morillo e os seus soldados derrotaron ao exército de Napoleón que mandaba o Xeneral Ney. Tamén é camiño a Compostela, xa que por eiquí pasa a trazado do itinerario portugués.